سوال

کیا فرماتے ہیں مفتیان کرام اس مسئلہ کے بارے میں کہ زید کو پیسوں کی ضرورت ہے ،عمرو نے کہا کہ میرے پاس پیسے تو نہیں لیکن 37 گرام سونا ہے وہ میں آپ کو قرض کے طور پر دیتا ہوں ،ا س کو آپ

 فروخت کرو اور پیسوں سے اپنا کاروبار کرو لیکن سال بعد مجھے وہی 37 گرام سونا واپس کروگے،کیا یہ معاملہ سود  کے زمرے میں تو نہیں آتا  یعنی سونا قرض پر دینا ۔

جواب

شریعت مطہرہ کا اصول  یہ ہے کہ قرض کی واپسی اس کے مثل سے کی جائے لہذا صورت مسؤلہ میں جب  عمرو نے زیدکو 37 گرام سونا قرض دیا ،اور کہا کہ اس سونا کو بیچ کر اپنا کاروبار کرو اور سال بعد مجھے 37

 گرام سونا واپس کردینا چاہے سوناکی قیمت اس وقت زیادہ ہو یا کم تو ایسا کرنا بالکل جائز ہے،اور یہ سود میں داخل نہیں ہے۔

                                                                فتاوی شامی میں ہے:

(عَقْدٌ مَخْصُوصٌ) أَيْ بِلَفْظِ الْقَرْضِ وَنَحْوِهِ (يَرِدُ عَلَى دَفْعِ مَالٍ) بِمَنْزِلَةِ الْجِنْسِ (مِثْلِيٍّ) خَرَجَ الْقِيَمِيُّ (لِآخَرَ لِيَرُدَّ مِثْلَهُ) خَرَجَ نَحْوُ وَدِيعَةٍ وَهِبَةٍ.

(کتاب البیوع ،باب المرابحۃ والتولیہ فصل فی القرض 5/161 ط سعید)

فتاویٰ شامی میں ہے :

لِأَنَّ الدُّيُونَ تُقْضَى بِأَمْثَالِهَا

(کتاب العاریۃ 5/685 ط سعید )

واللہ سبحانہ وتعالیٰ اعلم بالصواب

                                                                                                      دارالافتاءمدرسہ عارف العلوم کراچی

                                                                                                     17 ربیع الثانی 1447ھ/11 اکتوبر2025 ء

                                                                                                            فتویٰ نمبر:486