سوال

میرے والد کا نام محمد یوسف ،اور ان کی وفات دسمبر 1975 میں ہوئی ۔وفات کے وقت  ایک بیوہ  (بشیراں بیگم) پانچ بیٹے(آصف محمود،طارق محمود،ظاہر محمود،اطہر محمود،اصغر محمود) اور تین بیٹیاں(روبینہ یوسف،زرینہ یوسف،شبانہ یوسف) ،والد محترم کی وفات کے بعد بڑے بھائی  آصف محمود کا انتقال2017 میں ہوا ،آصف کے ورثاء میں والدہ،بیوہ،چار بیٹے اور ایک بیٹی شامل ہیں۔ ۔اسکے بعد 2025 میں ہماری والدہ کا انتقال ہوا ؟

جواب

صورت مسؤلہ میں مرحوم محمد یوسف کے حقوق مقدمہ یعنی تجہیز وتکفین کا خرچہ نکالنے کے بعد اگر مرحوم پر کوئی قرضہ ہو تو اسے ادا کرکے،اور اگر مرحوم نے کوئی جائز وصیت کی ہو تو اسے ایک تہائی مال سے نافذ کرکے بقیہ کل جائیداد منقولہ(سونا،چاندی،نقدی وغیرہ) وغیر منقولہ (مکان ،پلاٹ،وغیرہ) کو 123552 حصوں میں تقسیم کیا جائے ،مرحوم کے چار بیٹوں(طارق،ظاہر،اطہر،اصغر)میں سے ہر ایک 19944 حصے ،مرحوم کی تین بیٹیوں(روبینہ،زرینہ،شبانہ)میں سے ہر ایک کو 9972 حصے،مرحوم آصف کی بیوہ کو 2079 حصے،مرحوم آصف کے چار بیٹوں میں سے ہر ایک بیٹے کو 2618 حصےاور مرحوم آصف کی بیٹی کو1309 حصے ملے گیں۔

صورت تقسیم یہ ہوگی:

یعنی:مرحوم یوسف کی کل جائیداد میں سے  ان کے  چار بیٹوں(طارق ،ظاہر،اطہر،اصغر) میں سے ہر ایک کو 16.14 فیصد حصہ ،مرحوم کی تین بیٹیوں (روبینہ،زرینہ،شبانہ )  میں سے ہر ایک کو 8.07 فیصد حصہ ،مرحوم آصف کی بیوہ کو 1.68 فیصد حصہ ،مرحوم آصف  کے چار بیٹوں میں سے ہر ایک کو 2.11 فیصد حصہ اور مرحوم آصف کی بیٹی کو 1.05 فیصد ملے گا۔

واللہ سبحانہ وتعالیٰ اعلم بالصواب

                                                                                                      دارالافتاءمدرسہ عارف العلوم کراچی

                                                                                                23 رجب المرجب 1447ھ/13 جنوری 2026ء

                                                                                                            فتویٰ نمبر:515